Ch'est dins l'air

Publié le - Mis à jour le 28/09/2012 à 22:31

Nord Eclair

JEAN-PAUL VANTIEGHEM, Wasquehal
Cheule nut, j'busios tell'mint au votache qu'j'ai fait un rêfe. Nico, l'tchot quinquin d'un ouverrier Hongrois, peintre in batimint, étot artombé in France sins rin ni dins s'tiête ni dins ses poques. Y'étot plachi dins in Sonacotra gris à St-Denis. Pour grailler i juot du cithare pour inne immigrée italienne qui tchantot à vox basse dins l'métro. Aussitôt, ches Français, grinds tchoeurs comme toudis, li ont dit joques nin là comme cha garchon, té vas mal finir, vins putôt apprinde à l'école de l'République, ch'est gratis. Cha a marché, y'a appris et bin artenu. L'pani aux crapes grouillot tell'mint qu' y'est d'venu avocat. Y'a glané gramint d'clos, tell'mint gramint qui pouvot acater ch'qui voulot. Y'a même acater l'costard du grind Charles pou d'venir l'préchidint d'note République. Ch'étot gramint trop lonque et larque pour li, ch'est pour cha qu'i arsonnot à un épouvantal à moniaux déloqu'té. Ch'étot un bieau rêfe mais ch'est là qu'j'ai ouvert mes zis fraique d'caud. Nico v'not prinde un cop d'pid au tchul d'avoir oblié d'û qui v'not.
w Cette rubrique est la vôtre. Envoyez-nous vos textes par courrier au 42 rue du Général Sarrail, 59100 Roubaix ou par mail à roubaix@nordeclair.fr

Cet article vous a intéressé ? Poursuivez votre lecture sur ce(s) sujet(s) :

Roubaix

Réagir à l'article

Réagir avec son profil Connect

* Les opinions émises par les internautes n'engagent que leurs auteurs. La Voix du Nord Multimédia se réserve le droit de suspendre ou d'interrompre la diffusion de tout commentaire dont le contenu serait susceptible de porter atteinte aux tiers ou d'enfreindre les lois et règlements en vigueur, et décline toute responsabilité quant aux opinions émises, qui n'engagent que leurs auteurs.

Vos réactions 0

Réagir

Les articles les plus…