Ine bonne fête à 'mère

Publié le dimanche 30 mai 2010 à 06h00

Jean-Pierre DELAHOTTE de Cysoing L'in passée à 80 ans, i z'avottent fait fort, i croyottent bin faire, i pinsottent m'faire plaijï, mais à m'nache, j'n'avos pos b'soin d'cha, in truc moderne, ine caftire électrique.

A chetot biau, mais à lonque, j'avos les chfeux qui dressottent chu m'tiete. Premire fos, j'avos cratchis l'papi, y'avot d'el marc partout. Au bout d'in timps l'eau el coulot tchand qu'el voulot, l'tuyau y'étot bouchi, qu'ja foutu cha d'in l'placard.
L'fos davint, chetot in fer à r'pachi. Au comminchemint, cha sintot l'roussi, toutes mes tchulottes in coton i z'étottent breulées, treuées, j'n'avot b'soin d'les inlever pour pichi.

Mes quémiches de nut i z'avottent pu d'minche.
Quoque ches qui m'attind aujourdu ? Nin ine glache pou vire tcheu catastrophe.
Malgré tout, cha mes z'infants i n'm'oublittent pos, ches binches biau. Mais i n'faudrot pos oubliï les zottes mères, les adoptifs, chelles qui chont au chimetire, ine fleur, rin qu'ine rosse.w Cette rubrique est la vôtre ! Envoyez-nous vos textes par courrier au 42 rue Sarrail, 59100 Roubaix ou par mail à roubaix@nordeclair.fr

Dessin du jour