Vla Paris-Roubaix deux mille diche

Publié le dimanche 11 avril 2010 à 06h00

JEAN-PIERRE DELAHOTTE, Cysoing Comme ch'est biau, mi j'aime bin et comme j'sus Roubaignot forchémint, j'arwette à l'télé tchand qui démarttent de Paris.

Bin sûr, au début, i roultent deuchemint, longu'mint pindant des kilomètres et au bout d'in timps in comminchent à reuler, et in s'artrouve chur les prémis pavés tout humite car souvint l'velle i a drachi à sé-au et pis i a l'vint, l'poussire et vla l'Treuée d'Arimberg. Qu'ch'est dur et pi cha fait mal aux d'jambes.
Ch'est l'début de l'infer ! Mais l'infer ch'est aussi les gins sales, cheux aveuque leur canette de bire, i d'jeulent, reutent, in les arconnos d'leu, i ch'ont gros tellemint gros qu'le vinte i dépasse d'le qu'émiche et va que j'te fous cha d'in l'fossé. Chur que l'maire i est nin contint, cha s'comprind et pis i a les coureux aux ravitalemints, i jettent les imbalaches ichi et là, ché pas bin !
Rvenons à l'course, d'in les coureux justemint i a quecquefos des triceux, cheux qu'inne fos pichis in treufe d'substance.

Heureusemint ch'est nin toudis comme cha et l'course elle est belle quand même.w Cette rubrique est la vôtre ! Envoyez-nous vos textes par courrier au 42 rue Sarrail, 59100 Roubaix ou par mail à roubaix@nordeclair.fr

Dessin du jour