Haïchtis

Publié le dimanche 14 mars 2010 à 06h00

DAMIEN GABRIELS de Leers Vos allez seur'mint vos d'minder quo ch'est accore que ch'nouvelle affaire : des haïchtis ...? Cha n'a rin à vire aveuque ch'paufe pays du que l'terre elle a tronné y a nin lonmint, et non puque aveuque inne boisson glacée à base ed thé.

Nin non, nin non. Haïchti, ch't'in nom qu'j'ai treuvé pour appeler des haïkus in patois d'ichi. Là, bin seur, j'vos intins accore : nos v'là bin rinseignés ! Des haï...quo ? Un haïku (in dit haïkou), ch'est de l'poésie et ch'est même l'plus p'tit poème au monte : tros vers et pus ou moinsse dix-sept syllapes. Ch't'inne poésie qu'alle vint du Japon, du qu'in in écrit d'pus tros sièkes. Dins ches poésies, leu auteurs y essaïent de dire des p'tits momints de l'vie, de l'nature, de c'qui nous intoure. Des p'tites coses qui émeufent, surprennent, attirent l'attintion. Achteure in fait des haïkus dins tous les pays du monte et dins tous ches parlaches. Alors mi, je m'sus dit : et pourquo nin in patois de ch'nord ? Alors v'là inne paire d'mes haïchtis. Chi cha vou plaît p'têt bin que j'pourrot accore vou in proposer d'timps in timps : mitan de l'nu - l'leune arwète un cop dins l'majon.w Cette rubrique est la vôtre ! Envoyez-nous vos textes par courrier au 42 rue du Général Sarrail, 59100 Roubaix ou par mail à roubaix@nordeclair.fr

Dessin du jour