Chin-Valentin

Publié le dimanche 21 février 2010 à 06h00

Jean-Pierre DELAHOTTE, de Cysoing Nous v'la in fos de puc à l'chin Valentin. Tous les ans in r'met cha, i s'aime bin, in s'fait des pourlèques, des fos cha n'dure pos, après ti, ch'tin aute et in ercéminche, ché l'jeunesse d'aujourdu.

Et pis y'a pépé et mémé qui ch'aiment depus chinquinte ans. Bin sur, ché pu comme din l'timps, in avot de l'baf plein l'figure, in s'arwetto din blanc des is longmint. Achteur, ché pu l'même, in inlève sin dinti, t'as pu invie mais l'amour y'é toudis là. Et pi ché l'jour ou té dos offrir quéque coss : in boutchi d'fleurs, in médale avec in tcheur, in cadeau qui fait plaiji, mais pos n'importe quo. D'in l'timps, j'mins souvint car j'ai incore des traches, j'lis avot offert des cacheroles in émal avoc des ptits pos dessinés d'ssus. Comme chétot biau ! Tellemint biau qu'elles éttotent arrivées sur m'tiête. L'vigin qui avot vu scène y'étot ployi in deux. Depuis s'timps là, j'fais attintion à che que j'acate, des trucs in éponche, ché moins dangereux. Dernieremint de lincherie coquine, cha la rindu joyeusse, elle ché ervetti d'in glache, in auro dit Claudia (ché pu commint) et mi t'chan j'la vu comme cha din l'cambre, j'étot tout cosse... é ouai, l'fot vif aveuc chin timps.w

Dessin du jour